Disa orë më parë, Ministria e Jashtme e Kinës tha se rrëzimi i të shtunës i balonës mbi bazën bërthamore të Montanës ishte “qartësisht një reagim i tepruar nga ana e Uashingtonit që shkel ligjin ndërkombëtar”.
Shkarkimi i kryemeteorologut Zhuang Quotai vjen si pasojë e rrëzimit të balonës së spiunazhit kinez mbi bazën bërthamore të Montanas, e cila prej shtatë ditësh qarkullonte në qiellin e SHBA-së.
Të shtunën, presidenti i SHBA Joe Biden urdhëroi avionët luftarakë F-22 të rrëzonin balonën ndërsa zyrtarë të lartë të Pentagonit e paralajmëruan atë të mos e rrëzonte në tokë, duke argumentuar se mbeturinat mund të dëmtojnë pronën dhe të rrezikojnë jetë.
Balona u godit nga një avion luftarak F-22 pak jashtë Myrtle Beach, në një zonë me popullsi të dendur të njohur si “Grand Strand”, e cila ka kilometra plazhe dhe është një tërheqje për pensionistët dhe pushuesit.
🔴U.S, SOUTH CAROLINA : SPY BALLOON SHOT DOWN!#VIDEO MOMENT WHEN “CHINESE SPY BALLOON” BEING SHOT DOWN
with a missile by a USAF jet over Myrtle Beach,Atlantic ocean#BreakingNews #UltimaHora #SouthCarolina #SpyBalloon #Balloon #Globo #Ballon pic.twitter.com/RaecyEjVda— loveworld (@LoveWorld_Peopl) February 4, 2023
Pasditen e djeshme, pamjet e shpërndara në rrjetet sociale tregonin fragmente të balonës duke u nxjerrë në breg nga zyrtarët.
Sipas qeverisë së Uashingtonit, rrënojat do të dërgohen në Quantico, Virxhinia për analiza, gjë që shkaktoi një reagim të fortë nga Kina.
“Këmbëngulja e SHBA-së për përdorimin e forcës së armatosur është qartë një reagim i tepruar që shkel rëndë ligjin ndërkombëtar”, tha Ministria e Jashtme e Kinës në një deklaratë.
Pekini madje kërcënoi me hakmarrje, duke vënë në dukje se “rezervon të drejtën për të marrë masa të mëtejshme në përgjigje”.
Regjimi kinez qëndron në njoftimin e tij fillestar se balona ishte thjesht një pajisje monitoruese e motit që shpërtheu jashtë kursit.
Përplasja e balonës spiune është ndjekur nga shumë turistë që ndodheshin në atë moment në plazhe dhe parkingje hotelesh, me disa brohoritje pasi u rrëzua, shkruan gazeta Daily Mail.
Autoritetet amerikane paralajmëruan 366,000 banorët në zonën e gjerë që të mos prekin mbeturinat dhe të thërrasin ekspertët pasi t’i lokalizojnë.
“Anëtarët e ushtrisë amerikane po koordinohen për të tërhequr mbeturinat e balonave. Megjithatë, mbeturinat mund të arrijnë në vijën bregdetare”, tha në një deklaratë Departamenti i Sherifit të Qarkut Horry.
Kujtohet se balona spiune kineze hyri në zonën e mbrojtjes ajrore amerikane në veri të ishujve Aleutian më 28 janar dhe fluturoi përgjatë Alaskës dhe më pas në hapësirën ajrore kanadeze, në veriperëndim të vendit. /tesheshi.com/
