Më në fund, në moshën 35-vjeçare Leo Messi arriti që të bëjë realitet ëndrrën e tij, të fitojë Kupën e Botës me fanellën e Argjentinës.
Kapiteni i Argjentinës ishte padiskutim lideri i skuadrës së tij, duke lënë shenjën e tij në çdo ndeshje në Katar 2022 sidomos në finalen kundër Francës ku shënoi 2 gola.
Dita e djeshme ka qenë e paharrueshme për “pleshtin” që ishte protagonisti kryesor në këtë sukses, madje u shpall edhe lojtari më I mirë I turneut.
Messi nuk ka dashur të ndahej nga trofeu që kishte vite që e synonte dhe ka fjetur me Kupën në dhomë. Këtë e konfirmon një foto e publikuar në Instagram nga ylli argjentinas. /Oversport.tv