Pekini ka thënë sot se “kundërshton fuqimisht” derdhjen në oqean të ujit të impjantit defektoz bërthamor të Fukushimës duke e quajtur vendimin e qeverisë “egoist dhe të papërgjegjshëm, njoftonte zëdhënësi i ministrisë së jashtme Wang Wenbin.
“Oqeani është mbështetës i njerëzimit, nuk është puseta e ujërave të kontaminuara të Japonisë”, tha Wang për gazetarët në një konferencë rutinë shtypi, duke i quajtur planet e Japonisë “të pajustifikuara, të paarsyeshme dhe të panevojshme”.
“Japonia po vendos interesat e saj egoiste para atyre të të gjithë njerëzimit dhe Kina e kundërshton këtë”, shtoi zëdhënësi duke thënë se do të merren të gjitha hapat për mbrojtjen e mjedisit detar, por pa dhënë specifika.
Kompania shtetërore energjitike e Tokios prej dy vjetësh ka kërkuar lejen e lëshimit në oqean të ujërave të mbetura nga impjanti në avari, duke thënë se i trajton ato për të reduktuar nivelin e tritiumit në një të shtatën, para lëshimit në det.
Por justifikimet nuk mjaftojnë për Kinë dhe të tjerë fqinjë të saj tekas rajonet kineze të Hong Kong e Makau kanë thënë se do të vendosin menjëherë kufizime të importeve të ushqimeve të detit nga Japonia.
Top Channel
