TIRANË, 8 mars /ATSH/- Presidenti i Ukrainës Volodymyr Zelensky ka përshëndetur sot vendimin e presidentit amerikan Joe Biden për të ndaluar importet e naftës ruse.
“Shpreh falenderimet për SHBA-në dhe udhëheqjen personale të Joe Biden për goditjen në zemër të makinerisë luftarake të Putinit dhe ndalimin e importeve të naftës, gazit dhe qymyrit rus në tregun amerikan”, tha Zelensky.
“Inkurajoni vendet dhe liderët e tjerë të ndjekin shembullin tuaj”, tha presidenti i Ukrainës Volodymyr Zelensky në një postim në Twitter.
SHBA-ja ka ndaluar sot të gjitha importet e naftës së papërpunuar nga Rusia.
Vendimi vjen mes mbështetjes në rritje nga i gjithë spektri politik për kufizimet në importet e energjisë ruse.
Është hera e parë që SHBA-ja hedh një hap përpara aleatëve të saj evropianë lidhur me sanksionet ndaj Rusisë që kur Moska nisi pushtimin e Ukrainës gati dy javë më parë.//a.i/