KIEV, 6 nëntor /ATSH-ANSA/ – Tani nuk është koha për të mbajtur zgjedhje, deklaroi presidenti ukrainas, Volodymyr Zelensky në video-mesazhin e tij të mbrëmjes, duke iu përgjigjur thashethemeve për mbajtjen e mundshme të zgjedhjeve presidenciale në mars 2024.
Zelensky më pas nënvizoi se “tani ukrainasit duhet të mendojnë për mbrojtjen e shtetit dhe të mos shpërbëhen në polemikat politike”.
“Kjo është koha për mbrojtje, për betejë, nga e cila varet fati i shtetit dhe popullit dhe nuk është koha për zgjedhje”, shtoi Zelensky. /os/
