ANKARA, 4 prill /ATSH-AA/ Duke përmendur përpjekjet për çlirimin e qytetit të Mariupolit, presidenti ukrainas, Volodymyr Zelensky theksoi ndërmjetësimin e mundshëm të Turqisë.
Në përgjigje të pyetjes lidhur me mundësinë e një takimi me presidentin rus, Vladimir Putin, Zelensky tha për gazetarët se pala ruse duhet të veprojë shpejt për të organizuar një takim.
Ai theksoi se vonesa e procesit të negociatave do të përkeqësonte situatën për Rusinë.
“Ekziston mundësia e ndërmjetësimit të Turqisë në këtë mision special në Mariupol”, tha Zelensky, duke shtuar se çështja mund të sqarohet në ditët ose orët në vijim.
Presidenti ukrainas, Volodymyr Zelensky vizitoi sot qytetin e Bucha, ku thuhet se janë gjetur trupa të civilëve të vrarë pas tërheqjes së forcave ruse.
Dje, prokurorja e Përgjithshme e Ukrainës, Iryna Venediktova tha se janë gjetur 410 trupa të civilëve të vrarë në rajonin më të gjerë të Kievit. //a.i/
