KIEV, 3 mars /ATSH-DPA/- Rusia dhe Ukraina kanë rënë dakord të krijojnë korridore humanitare në zonat e Ukrainës ku luftimet janë më të ashpra, njoftoi këshilltari presidencial ukrainas Mykhailo Podolyak pas raundit të dytë të bisedimeve.
“Megjithatë, delegatët në takim nuk i arritën disa nga synimet e tyre, duke bërë thirrje për një raund të tretë të bisedimeve”, tha Podolyak.
Takimi i mbajtur në Bjellorusinë perëndimore ishte raundi i dytë i bisedimeve midis delegatëve rusë dhe ukrainas që nga pushtimi i Ukrainës nga Moska një javë më parë. //a.i/