KIEV, 23 janar /ATSH-DPA/ – Disa njerëz janë vrarë në Ukrainë, pasi Rusia lëshoi raketa në të gjithë vendin, me shpërthime të raportuara nga kryeqyteti Kiev në qytetin lindor të Kharkiv.
Të paktën një grua u vra në Kiev, ku një seri shpërthimesh u dëgjuan gjatë natës dhe sistemet e mbrojtjes ajrore u aktivizuan.
Kryebashkiaku Vitali Klitschko kishte folur më parë për nëntë lëndime, duke përfshirë një djalë 13-vjeçar.
Autoritetet thanë se të paktën dy persona vdiqën dhe 11 të tjerë u plagosën në Kharkiv, i cili ndodhet disa dhjetëra kilometra larg kufirit rus.
Në Pavlohrad, rajoni Dnipropetrovsk, u raportua një i vdekur dhe një i plagosur.
Në Kiev, kryebashkiaku Klitschko tha se kishte dëmtime në ndërtesat e banimit dhe se disa makinave u dogjën nga rënia e mbeturinave nga raketat e kapura./ /os/