Komisioni Evropian propozoi sot zgjatjen e përdorimit të certifikatave digjitale deri më 30 qershor 2023, duke shtuar se COVID është ende i përhapur në Evropë dhe se qytetarët duhet të përdorin certifikatat në rast të kufizimeve të mëtejshme të udhëtimit për shkak të masave epidemiologjike.
“Ne duhet të jemi gati për një rritje të mundshme të infeksioneve në pjesën e dytë të këtij viti ose për shfaqjen e varianteve të reja”, tha KE.
Komisioni thekson se certifikatat COVID janë një “masë e jashtëzakonshme” dhe do të revokohen kur të mos jenë më të nevojshme. Komisioni propozoi gjithashtu përfshirjen e testeve laboratorike me cilësi të lartë për antigjenin midis llojeve të testeve për të cilat mund të lëshohet një certifikatë testimi, si dhe një regjistrim të numrit të dozave të administruara në çdo shtet anëtar, jo vetëm në atë që e ka lëshuar.
Parlamenti Evropian dhe Këshilli i BE-së duhet të vendosin për propozimin e KE-së për të hyrë në procedurën ligjore.
Top Channel
