Instituti Demokratik i Kosovës (KDI) ka analizuar dy kontrata të Shërbimit Spitalor Klinik Universitar i Kosovës (SHSKUK) për furnizim me oksigjen.
Sipas këtij instituti oksigjeni (në formë të gaztë dhe atë të lëngshme) ka qenë një nga produktet që është përdorur më së shumti për trajtimin e pacientëve të shtrirë në spitale gjatë periudhës së pandemisë COVID-19.
Përderisa para pandemisë, kërkesa për oksigjen ka qenë më e vogël, gjatë pandemisë kërkesa është rritur për disa herë.
Sipas KDI në dy raste të kontratave me kompanitë Medical Group dhe Medica është blerë oksigjen në vlerë prej 57 mijë euro më tepër derisa ka pasur ofertues me çmime më të ulëta.
