Sulmuesi i Real Madridit, Karim Benzema ka qenë padyshim njëri nga futbollistët më të mirë në botën e futbollit vitin e fundit.
Sipas gazetës Marca, sulmuesi francez është bërë lojtari kryesor i La Ligas, duke mbushur boshllëkun e lënë nga largimi i Lionel Messit.
Dhe Real Madridi e mbyll vitin 2021 në ‘pole-position’ për të rimarrë titullin e ligës nga Atletico Madrid. Ata janë tetë pikë para Sevillas së vendit të dytë, megjithëse skuadra andaluziane ka një ndeshje më pak.
Suksesi i Los Blancos është për shkak të përsosmërisë që përshkon skuadrën. Thibaut Courtois, Eder Militao, David Alaba, Casemiro, Toni Kroos, Luka Modric dhe Vinicius Jr kanë qenë të gjithë të shkëlqyer.
Por, është Benzema ai që ka qenë lojtari që bëri diferencën pasi francezi ka shënuar më shumë gola se kushdo këtë vit, me 30 gola në emër të tij. Messi është në vendin e dytë me 23 sosh.
Benzema është gjithashtu në rrugë për të fituar ‘Pichichin’ e këtij sezoni, çmimi që i jepet njeriut që përfundon sezonin si golashënuesi më i mirë.
Ai ka 15 gola në mes të sezonit, katër më shumë se Juanmi i Real Betis dhe pesë më shumë se Vinicius.
Akti i fundit i Benzemas në vitin 2021 ishte shënimi i dy golave në San Mames duke e çuar Real Madridin drejt një fitoreje të vështirë 2-1 ndaj Athletic Bilbao.
Më pas ai mori një Boeing 737 privat në Dubai për të festuar një punë të bërë mirë – dhe të gjithë ata që ndjekin La Ligën do të pranojnë se ai e fitoi atë.
