Çifti super-yjor Beyonce dhe Jay-Z ishin duke shijuar darkën të dielën në mbrëmje në L.A., kur për pak sa nuk u përplasën me një të njohur të vjetër.
Beyonce dhe Hova shijuan një natë të qetë në restorantin e njohur Giorgio Baldi duke mos e ditur që Kanye West do të shfaqej pikërisht në kohën kur ata po largoheshin.
As Kanye nuk u shfaq vetëm. Ai e bëri këtë me personalitetin kontrovers britanik të krahut të djathtë Milo Yiannopoulos dhe Ray-J, ish-in e Kim Kardashian.
Kjo ishte pikërisht një natë para se Kanye, Milo dhe nacionalist i bardhë, Nick Fuentes, të fluturonin në Maryland dhe të bënin një paraqitje të shkurtër dhe të çuditshme në podkastin e Youtuberit të krahut të djathtë Tim Pool.
Sipas RadarOnline, përplasja e afërt ishte një rastësi totale. Gjë që nuk është për t’u habitur, duke pasur parasysh se Beyoncé dhe Jay-Z janë distancuar nga producenti dhe reperi.
Ndërsa ata nuk kanë folur publikisht për Ye, Jay-Z i izoluar (kohët e fundit) e dënoi publikisht Kanye West pesë vjet më parë për “përfshirjen e familjes” në çështjet e tyre.
Darka në Santa Monica ishte për të festuar një rast të veçantë: Beyoncé barazoi Jay-Z për numrin më të madh e nominimeve për çmimet Grammy të të gjitha kohërave: 88 secili.
Çifti i fuqishëm i muzikës është në një vend të mrekullueshëm personalisht dhe profesionalisht, sipas raportimeve, pavarësisht se kanë kaluar probleme në të kaluarën. Në vitin 2021, Jay-Z u fut në Hall of Fame të Rock and Roll. Ndërsa Beyoncé është ende në pritje të këtij nderimi.
