Pozicioni i Presidentit të Lega Serie A është vakant që nga dorëheqja e Paolo Dal Pino në fillim të këtij muaji. Carlo Bonomi është kandidati kryesor për këtë rol. 55-vjeçari është President i Confindustria, shoqata kryesore që përfaqëson kompanitë prodhuese dhe shërbimet në Itali.
“Nuk mund të tërhiqem kur industria e gjashtë në vend kërkon ndihmë”, tha Bonomi për gazetën Il Corriere dello Sport. Por një gjë duhet të jetë e qartë, duhet të ketë konsensus të gjerë për kandidaturën time. Përndryshe, unë do të qëndroj në shtëpi.”
“Kampionatet e tjera në Europë janë zhvilluar, ne kemi qëndruar në vend. Premier League bën para me të drejtat televizive jashtë vendit, ne ndryshimin e bëjmë në YouTube sepse nuk i trajtojmë mirë marrëdhëniet në pjesën ndërkombëtare”.
Shumë klube të Serie A janë blerë nga pronarë të huaj gjatë viteve të fundit. E fundit ishte Atalanta, e cila shiti 55% të aksioneve të klubit tek investitorët amerikanë, duke përfshirë edhe bashkëpronarin e Boston Celtics.
“Është prova se tregu është tërheqës,” tha Bonomi. “Fondet e mëdha janë gjithashtu të interesuara sepse futbolli është një industri me hapësirë për përmirësim. Ata blejnë për tarifa të ulëta dhe shohin potencialin ritës.
Megjithatë, sapo mbërrijnë këtu, përplasen me realitetin e sportit dhe të administratës sonë. Ata planifikojnë të ndërtojnë stadiume brenda pak vitesh, por duhet të merren me burokracinë italiane. Ajo që ndodhi në Firence, Milano dhe Romë flet vetë”.
Më pas ai foli edhe për Superligën”“Është nevoja për t’u rritur,” shtoi Bonomi.
“Nëse futbolli mbetet një treg i palëvizshëm, është e qartë se më aktivët janë në kërkim të tregjeve alternative. Është një ligj ekonomik elementar. Askush, madje as klubet që hynë në Superligë, nuk donin ta çmontonin futbollin.
Bonomi gjithashtu duket i hapur për miratimin e play-off-it për të vendosur fituesin dhe të larguarit në Serie A.
“Sportet amerikane bazohen të gjitha në play-off. Këto reforma mund dhe duhet të bëhen së bashku. Nëse ‘torta’ nuk rritet, nuk ka as burime për të mbështetur klubet e vogla dhe sektorët e të rinjve.”
Bonomi në fund zbuloi gjithashtu ekipin e tij të preferuar, duke shtuar se është e qartë se nuk do të ndikojë në punën e tij nëse ai shpallet president
“Unë mbështes Interin. Të gjithë kanë një ekip të preferuar, nëse jo, do të thotë se nuk e duan futbollin, por për të qëndruar i pavarur është diçka tjetër”, përfundoi Bonomi. /oversport.tv
Foto: calciomercato.com
