Një nga emrat më të njohur të muzikës greke, Nikos Vertis dhuroi një natë të paharrueshme për shqiptarët në stadiumin ‘Air Albania’. Në mesin e të pranishmëve pati edhe plot fytyra publike. Në këtë mes veçojmë Noizyn, Yll Limanin, Juliana Pashën, Sinan Hoxhën, Blerim Destanin etj.
Por, një personazh i njohur që mungoi në eventin muzikor ka shfaqur edhe kundërshtimin e saj për këtë koncert. Dhe fjala është pikërisht për prezantuesen Einxhel Shkira. Përmes rrjeteve sociale, ajo ka bërë disa pyetje mbi ardhjen e Vertis në Tiranë.
‘Asgjë kundër koncertit te stadiumi sepse muzika e bukur i pëlqen kujtdo. Por, dy pyetje kisha. Përveç atyre që dinë greqisht sepse kanë jetuar/punuar/lindur atje, pjesa tjetër ça po bëjnë?
Ok s’dijnë asnjë llaf greqisht por ndonjë këngë ja dinin këtij Vertisit? Kurioze jam a do bënin ndonjëherë në stadium mes Athinës koncert për Aurela Gaçen apo Elvana Gjatën, Florin, Sinanin etj.’, ka pyetur Shkira në rrjete sociale.
