Jennifer Lopez po përballet me reagime të shumta nga fansat pasi zbuloi se ishte e pakënaqur për performancën me Shakirën në Super Boël 2020.
Momente të cilat u shfaqën në dokumentarin e saj të ardhshëm në Netflix, Halftime, tregonin se J.Lo mendonte se ishte “Ideja më e keqe në botë.” “Halftime” ka një fokus të gjerë në performancën e Jennifer-it në Super Boël 2020, duke u dhënë shikuesve mijëra informacione të brendshme se si ishin gjërat në prapaskenë përpara shfaqjes. Jennifer ishte e frustruar me organizatorët e shfaqjes së pjesës së parë që i dhanë asaj dhe Shakirës të njëjtën kohë që çdo interpretues solo do të merrte në vend që ta dyfishonte atë.
Menjëherë erdhi reagimi i ashpër i fansave të cilët i dolën në mbrojtje Shakirës.
“Shakira duhet ta kishte bërë vetëm”, shkroi një person krahas komenteve të Jennifer-it.
“Emra më të mëdhenj e kanë ndarë atë skenë dhe mos u bëni sikur dikush u detyrohet atyre diçka”, shkroi një tjetër në Twitter.
