Qindra izraelitë protestuan dje në kryeqytetin Tel Aviv kundër dhunës së banorëve të kolonive të reja izraelite ndaj palestinezëve në Bregun Perëndimor, të nxitur nga qeveria radikale e Benxhamin Netaniahu.
Protestuesit me flamurë izraelitë kërkonin paqe, reduktim të tensioneve dhe ndalim të kolonive të reja në tokat e pushtuara palestineze, teksa muaji i shenjtë musliman i Ramazanit dhe festivali fetar hebre i Transferimit, janë vetëm disa javë larg.
Shumë ndërmjetës të huaj janë përpjekur të sjellin uljen e tensioneve që prej riardhjes në pushtet të koalicionit radikal të Netanyahu por të paktën 60 palestinezë janë vrarë nga ushtria izraelite vetëm në vitin 2023.
Protestuesit dënonin dhunën e javëve të fundit në Bregun Perëndimor, teksa policia u përlesh me disa protestues që tentuan të bllokonin trafikun gjatë demonstratës, sipas mediave vendase.
38-vjeçari Uri Weltmann i grupit organizator të protestës ‘Standing Together’, tha: “Në të gjithë Izraelin, këtu në Tel Aviv dhe kudo, ne protestojmë kundër këtij pogrom (masakër etnike) që u krye dje nga kolonët ekstremistë në Bregun Perëndimor. Ata e bënë këtë sepse kanë mbështetjen e qeverisë. Por ata po thellojnë pushtimin, gjakderdhjen, duke çuar vendin në një spirale dhune e përshkallëzimi”.
Hundreds of Israeli protesters scuffled with police during demonstrations against recent attacks by settlers on Palestinians and property in the occupied West Bank ⤵️
🔗: https://t.co/CraLx5yhPG pic.twitter.com/8jNrePEERr
— Al Jazeera English (@AJEnglish) February 28, 2023
“Ne vijmë këtu për të ngritur zërin në protestë, si qytetarë hebrej e palestinezë të Izraelit, për të thënë: të marrë fund pushtimi dhe të avancohet drejt paqes Izrael-Palestinë”.
Më herët të hënën një sulmues palestinez vrau një shofer izraelit në Bregun Perëndimor, pasi kolonët izraelitë bastisën një fshat palestinez duke përshkallëzuar dhunën.
37-vjeçari Rula Daood, tjetër zyrtar izraelit i grupit ‘Standing Together, shtoi: “Jemi këtu sot që të demonstrojmë kundër kolonëve në Hawara që sulmuan e dogjën banesa të palestinezëve që jetojnë aty. Ne duam fundin e pushtimit, ndalimin e kolonive dhe paqe për këdo”.
Top Channel
