ROMË, 5 janar /ATSH-DPA/ – Kryeministrja e Italisë Giorgia Meloni siguroi Ukrainën për mbështetjen e vazhdueshme të grupit të shtatë vendeve të mëdha demokratike të industrializuara (G7).
Sipas medias italiane, në një bisedë telefonike me kreun e shtetit Volodymyr Zelensky, të enjten, Meloni njoftoi se agresioni rus ndaj vendit fqinj do të jetë në fokus të presidencës italiane të G7.
Italia ka mbajtur presidencën e grupit që në fillim të vitit.
Anëtarë të tjerë janë SHBA-ja, Gjermania, Kanadaja, Britania e Madhe, Japonia dhe Franca.
Pas telefonatës, Zelensky falënderoi Melonin për mbështetjen e saj, përfshirë dëshirën e Ukrainës për t’u bashkuar me BE-në.
Kreu i shtetit, Zelensky raportoi në X se gjatë bisedës kishte dhënë informacion edhe për sulmet e fundit ruse.
Ukraina është mbrojtur kundër pushtimit ushtarak rus për gati dy vjet.
Në mes të dhjetorit, BE ra dakord të nisë negociatat e pranimit me qeverinë në Kiev./ /a.i/