Interi është ndalur në një tjetër barazim në miqësoret që po zhvillon këtë verë, këtë herë në sfidën përball Lyon. Ndeshja e cila u transmetua ekskluzivisht në Oversport përfundoi me rezultatin 2-2 me Interin që arriti të vendoste gjithçka në ekuilibër pasi e pa veten në disavantazhin e dy golave.
Pjesa e parë përfundoi me rezultatin 1-0 për Lyon pasi Alexandre Lacazette arriti të mposhte Andre Onanën. Portieri kamerunas do të ndëshkohej sërish edhe në pjesën e dytë, këtë herë nga Cherki.
Interi nuk e humbi toruan pas golave të pësuar dhe ngushtoi menjëherë diferencat me Romelu Lukakun. Baraspesha ndërkohë u vendos nga mesfushori Italian Nicolo Barella.
Kështu pas fitores me Luganon në miqësoren e parë, barazimit me Monacon dhe humbjes me Lens, Interi ndalet sërish në barazim. Sfida e fundit miqësore e zikaltërve do të jetë më 6 gusht përballë Villarreal dhe do të transmetohet ekskluzivisht në Oversport. /oversport.tv
