Interi dhe Milani po planifikojnë që të ndërtojnë një stadium të përbashkët, por Investcorp mund të ndalojë gjithçka. Në rast se klubi kuqezi blihet nga Fondi i Bahreinit, atëherë plani mund të ndryshojë totalisht.
Sipas asaj që raporton “La Gazzetta dello Sport”, Investocorp kërkon një stadium vetëm të Milanit pa bashkëpunimin e rivalëve të qytetit. Gjithashtu ata janë kundër projektit të “Populous” që ka projektuar një stadium me një kapacitet prej 60,000 vendesh, 15,000 më pak se San Siro.
Dëshira e tyre është që të mos humbasin asnjë vend në raport me San Siron dhe gjithçka mund të ndryshojë nëse Investcorp blen Milanin. Një stadium i ri vetëm për Milanin do të ishte një kosto më e madhe për kuqezinjtë, por në të ardhmen do të sillte edhe më shumë të ardhura. /oversport.tv
