Hoffenheim rikthehet te fitorja pas tre ndeshjes dhe tashmë është me pikë të barabarta me Leipzig që ndodhet në zonën Champions. Ata mposhtën në shtëpi me rezultatin 2-0 Arminia Bielefeld dhe dalin nga ky takim me tre pikë që mungonin që nga data 8 janar.
Hubner zhbllokoi rezultatin në minutën 22 duke shënuar një gol me kokë. Ai e shfrytëzoi mjaft mirë krosimin nga e djathta të Raum duke e lënë të palëvizur portierin kundërshtar.
Dyfishimi nërkohë do të vinte në pjesën e dytë dhe më konkretisht në minutën 51. Edhe goli i dytë erdhi nga një harkim në zonë. Dabbur harkoi nga e majta dhe Rutter kishte kohë mjaftushëm për të ndalur topin dhe për ta çuar më pas në fundin e rrjetës.
Kështu u mbyll edhe takimi me rezultatin 2-0, ndërsa Hoffenheim tashmë “katapultohet” në vendin e pestë në kuotën e 34 pikëve, po aq sa Leipzig i vendit të katërt. Në të njëjtën kuotë pikësh janë edhe dy ekipet pas Hoffenheim, Freiburg dhe Union Berlin.
Nga ana tjetër, Arminia ndodhet në vendin e 15-të në kuotën e 22 pikëve, po aq sa Augsburg që ndodhet në zonën e ftohtë të klasifikimit. /oversport.tv
BUNDESLIGA – Java 22
Hoffenheim – Arminia Bielefeld 2-0
Shënues: Hubner 22’, Rutter 51’
