Arsye e pazakontë për një mbyllje në autostradën gjermane 40 gjatë trafikut në orët e pikut. Mëngjesin e së martës kryqëzimi Dortmund-Barop në drejtim të Essenit u desh të mbyllej për gjysmë ore, sepse policia po përdorte qen për të hetuar një vrasje
Arlind Z. (32), prind i dy fëmijëve, më 29 maj u qëllua në makinën e tij në rrugën “Hirtenstrasse” në Nordstadt të Dortmundit. Ishte një ekzekutim. Shtetasi i Maqedonisë së Veriut vdiq në spital të nesërmen, shkruan “Bild”, transmeton portali Shtegu. Autori është ende në arrati, ndërsa është zhdukur edhe arma e vrasjes.
Kryeprokurori publik Christoph Dombert ka deklaruar për “Bild”: “Fakti që ai u zu në pritë padyshim përjashton një viktimë të rastësishme”.
Dëshmitarët e shohin të dyshuarin duke ikur. Rreth 100 metra larg vendit të krimit, ai hidhet në një makinë të vogël të errët dhe largohet me shpejtësi. Ai merr armët me vete dhe fshihet.
Skuadra e vrasjeve gjeti më vonë gjashtë gëzhoja bosh në udhëkryqin e vogël në afërsi të banesës së familjes. Të shtënat gjatë natës kanë zgjuar edhe të afërmit e prindit familjar, të cilët kanë shkuar menjëherë në vendin e krimit dhe kanë qenë dëshmitarë të luftës për jetën e punonjësit të pastrimit të qëlluar.
Është ende e paqartë nëse në mëngjes policia ka gjetur ndonjë gjë në Barop.
Policia gjermane është në kërkim të një burri rreth 35 vjeç dhe 1.85 metra i gjatë. Thuhet se ai kishte veshur pantallona të errëta dhe një kapuç bejsbolli dhe një mjekër të shkurtër.
