Kryeministri Edi Rama ka njoftuar mesditën e sotme hapjen e sallës VIP për udhëtarët në aeroportin “Nënë Tereza”, ku Rama shprehet se kjo është një hapësirë e bukur, ku po punohet detajet e fundit dhe kërkohen djem dhe vajza punëtorë me paga që fillojnë nga 60 mijë lekë të reja e lart.
“Salla e re VIP për udhëtarët në Aeroportin “Nënë Tereza” është një hapësirë shumë e bukur, ku po punohen detajet e fundit dhe ku kërkohen vajza e djem të sjellshëm e punëtorë, me paga që fillojnë nga 60 mijë lek të reja e lart, ndërkohë që aeroporti i kthyer në kantier ndërtimi, përgatitet për një numër rekord turistësh në sezonin që po afron”, shkruan Rama.
