Të enjten është hapur Panairi i Turizmit dhe Sportit në Prishtinë.
Ngjarja u bë e mundur për të 18’tin vit më radhë, nga Organizata Kongres në bashkëpunim me Oden e Hotelerisë dhe Turizmit, dhe do të rri i hapur për dy ditë.
Presidenti i Komitetit Olimpik të Kosovës, Ismet Krasniqi theksoi se aktivitet sportive që zhvillohen në Kosovë dhe jashtë saj, kanë ndikim të drejtpërdrejt në zhvillimin ekonomik të vendit.
Krahas bizneseve vendore, këtu u prezantuan edhe produkte dhe oferta nga vendet e rajonit si Shqipëria, Mali i Zi e Maqedonia e Veriut.
I pranishëm aty ishte edhe kryetari i Prishtinës, Përparim Rama, si dhe ministrja e Industrisë, ndërmarrësisë e Turizmit, Rozetë Hajdari.
Rama vlerësoj se kjo ngjarje mundëson krijimin e lidhjeve të reja ndërmjet bizneseve.
Kurse, Hajdari theksoi se dikasteri që ajo drejton, turizmin e ka prioritet kyç.
