Pas vendimit të Gjykatës së Tiranës ditën e sotme për dorëzimin e Partisë Demokratike Komisionit të Rithemelimit, ka ardhur edhe reagimi i parë nga Sali Berisha.
Berisha deklaroi para fillimit të mbledhjes së Komisionit të Rithemelimit se ky ishte një vendim i drejtë. Ai dha një mesazh për bashkimin e demokratëve.
“Vendim i cili në vlerësimin e çdo shqiptari nuk mund të ishte ndryshe po ti thuhet të drejtës e drejtë. Mesazh im për të gjithë demokratët është vetëm një: Bashkim, bashkim, bashkim!”, tha Berisha.
Gjykata e Tiranë njohu sot Kuvendin Kombëtar të Partisë Demoktatike të 11 dhjetorit. Vendimi u mor nga gjyqtari Agron Zhukri, i cili pasi ka marrë kërkesën ka vendosur që zyrtarisht dhe ligjërisht njihen vendimet e Kuvendit Kombëtar të PD-së të mbajtur më 11 Dhjetori 2021 nga grupi i Komisionit të Rithemelimit të Partisë Demokratike. Rrjedhimisht nga sot, Komisioni i Rithemelimit do të marrë drejtimin e Partisë Demokratike
