Një zvicerane nga Kantoni i St. Gallenit në Zvicër e linte vazhdimisht orën e saj me zile kur ajo nuk ishte në shtëpi. Kjo e shqetësoi aq shumë një fqinj, sa ai bëri një ankesë
Për një grua nga kantoni St. Gallen alarmi në orën e saj me zile ka pasoja ligjore. Siç shihet nga një urdhër penal, gruaja ka marrë një gjobë për ngarkesa të shumta.
Gjatë një periudhe prej rreth një viti, nga qershori 2020 deri në korrik 2021, e akuzuari e kishte lënë të binte natën rregullisht orën e alarmit, informon portali Shtegu. Ora e ziles ishte kurdisur të cigërrojë çdo orë nga ora 2:00 e mëngjesit deri në 5:00 të mëngjesit. Kjo ndodhte kur gruaja ishte në punë dhe jo në shtëpi.
Një fqinj u mërzit aq shumë nga cingërrima e vazhdueshme e alarmit, sa bëri një ankesë kundër gruas.
Tashmë gruaja është shpallur fajtore për “ngarkesa të shumëfishta me dashje”. Ajo u dënua me një gjobë prej 300 frangash. Nëse gjoba nuk paguhet, ajo mund të shndërrohet në tre ditë burg. Përveç gjobës, janë edhe 300 franga shpenzime procedurale.
Kundër këtij urdhri penal mund të ngritet ankesë.
