Gjatë ditës së djeshme në kontrollin e përforcuar rrugor në territorin e shtetit për sanksionimin e automjeteve të cilët lëvizin me shpejtësi më të madhe se shpejtësia e lejuar, janë sanksionuar 459 drejtues.
Nga Ministria e Punëve të Brendshme informuan se 80 automjete kanë lëvizur me shpejtësi mbi 50 kilometra në orë më tepër se shpejtësia e lejuar, ndërsa 15 automjete kanë lëvizur me mbi 70 kilometra në orë më shumë se shpejtësia e lejuar. 205 automjete e kanë tejkaluar shpejtësinë në vendbanime ndërsa 254 jashtë vendbanimeve. Kontrollet e përforcuara vazhdojnë edhe gjatë ditëve të ardhshme.