BERLIN, 20 shtator /ATSH-DPA/ – Inflacioni i çmimeve të prodhimit në Gjermani ka shënuar një rekord të ri në gusht, i nxitur nga çmimet e energjisë, sipas të dhënave të publikuara nga Destatis.
Çmimet e prodhimit shënuan një rritje vjetore prej 45.8% në gusht, më shpejt se rritja prej 37.2% në korrik. Norma pritet të bjerë lehtë në 37.1%.
Çmimet e energjisë u rritën me 139% në gusht krahasuar me vitin e kaluar. Pa përfshirë energjinë, çmimet e prodhimit u rritën me 14%.
Çmimet e mallrave të ndërmjetme janë rritur me 17.5% dhe ato të mallrave kapitale me 7.8%.
Çmimet e mallrave të konsumit të qëndrueshëm dhe jo të qëndrueshme u rritën përkatësisht me 10.9% dhe 16.9%.
Në baza mujore, çmimet e prodhimit u rritën me 7.9%, më e larta në rekord, nga 5.3% në korrik. Ekonomistët kishin pritur që inflacioni të binte ndjeshëm në 1.6%. /os/