Në Angli pati shumë derbi me Arsenalin dhe Chelsean si protagonist, por këtë herë Olivier Giroud do të luaj në derbin e Milanos. Në një intervistë të dhënë për StarCasino, Giroud zbuloi edhe mendësinë e Milanit për derbin.
“Unë shënova në derbin tim të parë kundër Tottenhamit dhe fituam 1-0. Derbit janë ndeshje speciale që i ndjej shumë.
Ne besojmë te Scudetto. Nëse fitojmë mendoj se do të kemi mundësi të luftojmë deri në fund. Tifozët deri më tani i kanë parë cilësitë e mia, por e di që mund të bëj edhe më shumë, e rëndësishme është të ndihem mirë fizikisht. Dua të shënoj më shumë dhe të ndihmoj ekipin.”
Ai më pas u ndal te transferimi në Milano- “Ndjesitë e para ishin krenaria për nënshkrimin me Milanin e madh, sepse unë jam tifoz i kuqezinjve dhe më pas sepse francezët që luajtën këtu ishin të gjithë të fortë, duke nisur nga Papin, një nga lojtarët e mi të preferuar”.
IBRA- “Më pëlqen shumë. Ai dhe Shevchenko janë dy sulmues që i kam admiruar gjithmonë. Kur isha 20 vjeç ai ishte tashmë një lojtar i rëndësishëm dhe miqtë e mi më dhanë fanellën e tij. Mendoj se e kam akoma, por kjo është një sekret që ende nuk ia kam zbuluar Ibrës”.
OBJEKTIVAT- “Qëllimi im i parë është të fitoj Scudetton me Milanin. Në kokën time tani është vetëm Milani, përveç familjes sime”. /oversport.tv