FRANCË – Këshilli i Shengenit mblidhet për herë të parë më 3 mars

by admin
Spread the love

FRANCË, 3 shkurt /ATSH-DPA/- Ministrat e brendshëm të 26 vendeve që përbëjnë Zonën Shengen të Evropës ranë dakord të takohen rregullisht në të ardhmen për të diskutuar mbi menaxhimin e krizës.

I ashtuquajturi Këshilli i Shengenit do të mblidhet për herë të parë më 3 mars, njoftoi sot ministri i Brendshëm francez Gérald Darmanin pas një takimi jozyrtar me kolegët e tij të BE-së në Lille, Francë.

Së bashku me katër vende jo anëtare të BE-së, 22 nga 27 vendet anëtare të BE-së janë pjesë e zonës Shengen, ku normalisht nuk ka kontrolle kufitare.

Megjithatë, në vitet e fundit, kontrollet e brendshme janë rikthyer vazhdimisht si rezultat i kërcënimeve nga terrorizmi dhe krizave të migracionit. Pandemia e Covid-19 çoi gjithashtu në rikthimin e tyre të gjerë për të parandaluar përhapjen e infeksionit.

Komisioni Evropian vitin e kaluar paraqiti një propozim për një reformë për të mbrojtur parimin e lëvizjes së lirë, duke bërë edhe një herë përjashtimin e kontrolleve kufitare.

Presidenti francez Emmanuel Macron po mbështet zbatimin e një reforme më të shpejtë. Ndër të tjera, ai bëri thirrje për rritjen e kontrolleve në kufijtë e jashtëm në mënyrë që liria e lëvizjes të rikthehet brenda zonës Shengen. //a.i/

Në bazë të nenit 4 të ligjit ”Për funksionimin e Agjencisë Telegrafike Shqiptare”, ndalohet kopjimi, riprodhimi dhe publikimi i informacionit pa cituar burimin e tij.

Lexo lajme interesante

You may also like