BRUKSEL, 4 mars /ATSH- DPA/- Asnjë avion i NATO-s nuk duhet të hyjë në hapësirën ajrore të Ukrainës për të mos ndezur më tej konfliktin me Rusinë, tha Sekretari i Përgjithshëm Jens Stoltenberg në një konferencë për shtyp.
“Aleatët pajtohen që nuk duhet të kemi aeroplanë të NATO-s që veprojnë në hapësirën ajrore të Ukrainës ose trupa të NATO-s në territorin ukrainas”, tha Stoltenberg.
“Ne kemi një përgjegjësi si aleatë të NATO-s për të parandaluar që kjo luftë të përshkallëzohet përtej Ukrainës, pasi do të ishte edhe më e rrezikshme, më shkatërruese dhe do të shkaktonte edhe më shumë vuajtje njerëzore”, shtoi ai. /os/