BERLIN, 20 janar /ATSH-ANSA/ – Gjermania planifikon të furnizojë Ukrainën me 1 miliard euro (1.08 miliardë dollarë) armë dhe pajisje, njoftoi të premten ministri i ri i Mbrojtjes.
Kjo “paketë pranverore” e sjell shumën totale të ndihmës ushtarake gjermane që nga fillimi i luftës në 3.3 miliardë euro, theksoi ministri i Mbrojtjes, Boris Pistorius nga Ramstein.
Dërgesat specifike të identifikuara nga Pistorius, megjithatë, ishin njoftuar tashmë në datat e mëparshme.
Ato përfshinin një njësi të sistemit të mbrojtjes ajrore Patriot, shtatë tanke të tjera të mbrojtjes ajrore Gepard dhe një sistem tjetër të mbrojtjes ajrore Iris-T SLM me raketa të shumta të drejtuara.
“Në fund, ne po flasim për pak më shumë se 1 miliard euro”, tha Pistorius. /os/
