LONDËR/BERLIN, 17 shkurt /ATSH-DPA/ – Mijëra shtëpi mbetën pa energji elektrike pasi stuhia ”Dudley” shkatërroi disa pjesë të Britanisë së Madhe.
Capel Curig në Uells përjetoi erëra me shpejtësi deri në 130 kilometra në orë, ndërkohë që në Yorkshire dhe Drumalbin pati erëra me shpejtësi deri në 120 km/h.
Në Northern Powergrid 1 000 shtëpi ende nuk kishin drita deri sot në mëngjes për shkak të motit.
”Ekipet tona kanë rivendosur energjinë elektrike në rreth 19 000 shtëpi dhe biznese të prekura nga stuhia ‘Dudley’ dhe po punojmë për të ndezur përsëri dritat për rreth 1 000 shtëpi të tjera”, tha një zëdhënës i qeverisë britanike.
Kompania hekurudhore ”National Rail” theksoi se ”dhjetëra kompani hekurudhore u goditën në veri të Anglisë, Midlands, Uells dhe pjesën më të madhe të Skocisë”.
Për shkak të dëmtimit të linjave elektrike ajrore midis Bedford dhe St Albans, disa linja hekurudhore janë aktualisht të bllokuara në East Midlands dhe Thameslink.
Edhe operatori hekurudhor gjerman ”Deutsche Bahn” ka ndërprerë shërbimet hekurudhore në distanca të gjata në disa lande për shkak të kushteve të pafavorshme të motit në veri të vendit.
”Nuk ka trena në distanca të gjata në Saksoninë e Poshtme, Bremen, Schleswig-Holstein, Mecklenburg Vorpommern, Berlin dhe Brandenburg”, deklaroi kompania.
Stuhia ”Ylenia” goditi Gjermaninë të mërkurën pasdite, ndërsa Shërbimi Meteorologjik Gjerman (DWD) lëshoi paralajmërime të forta për motin deri sot në mbrëmje./ /os/
