VARSHAVE, 26 mars /ATSH-DPA/- Polonia dëshiron të punojë ngushtë me Shtetet e Bashkuara të Amerikës ndërsa planifikon të prodhojë energji bërthamore, deklaroi presidenti polak Andrzej Duda.
“Unë besoj se së bashku me kompanitë amerikane, nën kujdesin e fortë të Shtëpisë së Bardhë, ne mund ta zbatojmë këtë program në të ardhmen e afërt, sepse është urgjentisht i nevojshëm”, theksoi Duda pas takimit me presidentin amerikan Joe Biden.
Polonia ka nevojë për termocentralet bërthamore të SHBA për të përmbushur qëllimet klimatike të Varshavës dhe për të siguruar një furnizim modern me energji, tha ai. /os/
