BRUKSEL, 28 tetor /ATSH-DPA/ – Besimi ekonomik në Eurozonë u dobësua në një nivel më të ulët gati dy-vjeçar në muajin tetor për shkak të përkeqësimit të dukshëm të ndjesisë së shërbimeve dhe prodhimit, treguan rezultatet e sondazhit të Komisionit Evropian.
Indeksi i ndjenjës ekonomike ra në 92.5 në tetor, siç pritej, nga 93.6 në shtator. Leximi ishte më i ulëti që nga nëntori 2020.
Rënia e besimit në sektorin e shërbimeve dhe të prodhimit u kompensua vetëm pjesërisht nga përmirësime të lehta në besimin e shitjeve me pakicë dhe konsumatorit, sipas anketës.
Me -1.2, indeksi i besimit industrial ishte më i dobëti që nga janari 2021 dhe shënoi rënien e tetë radhazi.
Ekonomistët kishin pritur që indeksi të binte më ndjeshëm në -1.8 nga -0.3 në shtator.
Vlerësimet e menaxherëve për nivelin aktual të portofolit të përgjithshëm të porosive u përkeqësuan ndjeshëm.
Duke reflektuar një përkeqësim të theksuar të të tre komponentëve, përkatësisht pikëpamjet mbi situatën e kaluar të biznesit, kërkesën dhe pritjet e mëparshme të kërkesës, Indeksi i Sentimentit të Shërbimeve ra më shumë se sa pritej në 1.8 nga 4.4. /os/
