NJU JORK, 1 korrik / ATSH-AA/ – Ambasadori i Bashkimit Evropian (BE) në Kombet e Bashkuara (OKB), Olof Skoog, tha se është i shqetësuar se negociatat mbi programin bërthamor me Iranin mund të dështojnë.
Diplomatët evropianë në takimin e Këshillit të Sigurimit të OKB-së ku u diskutua marrëveshja mbi programin bërthamore me Iranin, kanë shprehur shqetësimet e tyre se negociatat me Iranin mund të dështojnë.
Ambasadori Skoog theksoi se marrëveshja e programit bërthamore e Iranit nuk është një çështje mes SHBA-së dhe Iranit. Ai shtoi se vendet palë në marrëveshje kanë bërë zgjedhje shumë të vështira politike, shprehu shqetësimin se negociatat mund të dështojnë dhe theksoi se “mund të mos e shikojmë vijën e finishit”.
Skoog bëri thirrje që të mos humbasë mundësia për arritjen e një marrëveshjeje nëpërmjet propozimit në tryezë.
Përfaqësuesi i përhershëm i Francës në OKB, Nicolas de Riviere, nga ana e tij, tha se Irani ka paraqitur kërkesa të reja jo realiste.
Zv/përfaqësuesi i përhershëm i SHBA-së në OKB, Richard Mills, deklaroi se mund të arrihet një marrëveshje në rast se Irani tërheq kërkesat shtesë jashtë marrëveshjes mbi programin bërthamor.
Ndërsa ambasadori i Iranit në OKB, Majid Takht Ravanchi, ka bërë përgjegjës “qasjen e ngurtë të SHBA-së” për ngërçin aktual në negociata.
Zv/sekretarja e përgjithshme e OKB-së, përgjegjëse për çështjet politike, Rosemary DiCarlo, u ka bërë thirrje SHBA-së dhe Iranit për bashkëpunim dhe marrëveshje në negociatat rreth programit bërthamor me Iranin. /os/