Nesër Federata e Futbollit të Kosovës do ta mbajë kuvendin zgjedhor ku do të zgjedhet kryetari për një mandat katërvjeçar.
Ngjarja do të mbahet në hotelin Emerald prej orës 11:00 dhe transmetohet drejtpërdrejt në Klan Kosova.
Kandidat i vetëm në këtë garë është kryetari aktual Agim Ademi.
Për të hyrë në garë kishte aplikuar edhe Gramoz Vokrri, por që i është pamundësuar garimi për shkak se nënshkrimet e disa prej delegatëve ishin shpallur të pavlefshme nga kjo federatë.
Vokrri e kishte paditur FFK-në në gjykatë me pretendimin se mbajtja e kuvendit zgjedhor është i jashtëligjshëm.
Por, të hënën Gjykata Themelore e Prishtinës ka shpallur vendimin ku e konsideron të ligjshme kuvendin e Federatës së Futbollit të Kosovës, njofton Klankosova.tv.
