Në Austri deri më tani ka shënuar vetëm Karim Adeyemi më shumë. Giacomo Vrioni po bën një sezon spektakolar me Tirol dhe dje realizoi dhe asistoi në fitoren kundër Hartberg.
Sulmuesi i kombëtares shqiptare numëron 16 gola në kampionat dhe tashmë për të kanë nisur të qarkullojnë edhe zërat e parë të merkatos.
Vrioni është në huazim te Tirol nga Juventus U23. Ai është nën kontratë me bardhezinjtë deri më 30 qershor 2024 dhe në verë shitja e tij do t’i jepte të ardhura të rëndësishme klubit nga Torino.
“FotoMaç” në Turqi shkruan se Besiktas ka në listën e objektivave të merkatos edhe Giacomo Vrionin. Te gjiganti turk mendojnë se sulmuesi shqiptar mund të jetë si Sorloth, i cili ka shkëlqyer më parë me Trabzonspor.
Vrioni është pjesë e kombëtares shqiptare dhe ka luajtur edhe tre ndeshje me kuqezinjtë e drejtuar nga Edy Reja. Më parë ai ka luajtur edhe me Shqipërinë U21 të Alban Bushit. / oversport.tv
Foto: WSG Tirol, Instagram
