Çështja e barazisë gjinore mes femrave dhe meshkujve në futboll është një situatë e nxehtë. Megjithatë, përmirësime dhe investime të mëdha janë bërë për futbollin e vajzave. Futbollistja e Arsenal, Vivianne Miedema, një nga më të mirat në botë, ka kritikuar organizimin e gazetës sportive France Football pr Topin e Artë 2022.
“Aty u ndjeva e vlerësuar si lojtare. Nëse duan të angazhojnë femra, duhet ta bëjnë ndryshe. Nëse duan ta bëjnë atë të drejtë, duhet të japin të njëjtat çmime si për burrat ashtu edhe për gratë”.
Kritikat e holandezes janë të drejtuara për faktin se përveç Topit të Artë, në fushën e meshkujve ka edhe trofeun Jasin për portierin më të mirë, trofeun Kopa për lojtarin më të mirë të ri dhe në fund ai që i dedikohet Gerd Muller për Golashënuesi Më i Mirë. Të gjitha çmimet që nuk ekzistojnë në nivel femëror si dhe çmimi Socrates për angazhim humanitar.
Më pas Miedema rrit dozën edhe për mungesën e vëmendjes në disa foto ku Beth Mead tregohet në foto si “mysafire” e Miedema dhe jo si vetë lojtare: “Në foto është numri dy në botë, e cila. ndoshta duhet të ishte fituese e Topit të Artë, e cila u prezantua si mysafirja ime. Diçka që nuk do të kishte ndodhur kurrë me Messin apo Neymar nëse do të kishin ardhur së bashku.
