Portieri Xhanluixhi Donaruma nuk i ka shpëtuar kritikave në lidhje me paraqitjen e tij te PSG-ja. Por gjatë një intervistë ai theksoi se trajneri Luis Enrike e mbështet në çdo situatë.
“Roli i portierit është më i bukuri, por njëkohësisht edhe më i vështiri në futboll. Sapo ne portierët bëjmë një gabim, gjithçka nis të ndërlikohet dhe marrim kritika të shumta.
Luis Enrike? Ai është një trajner i madh dhe që e bën skuadrën të luajë bukur. Kërkon që ta dominojmë gjithmonë lojën dhe të jemi në kontakt të vazhdueshëm me topin. Nuk na vendos kurrë në presion, edhe nëse gabon të thotë se është diçka normale dhe se ne nuk jemi robot, por qënie njerëzore”, deklaroi Donaruma.
PANORAMASPORT.AL
