17:42 | 14 Shkurt 2022
17:42 | 14 Shkurt 2022
Prej disa kohësh, është përfolur se djali i ish-kryetares së Kuvendit Jozafina Topalli, Genari dhe ish-missi shqiptar, Cindy Marina, janë në një lidhje dashurie.
Dyshja nuk e kanë pranuar asnjëherë publikisht, ndonëse janë fotografuar herë pas here bashkë.
Madje, Cindy e ftuar disa muaj më parë në “ABC e Mëngjesit”, nuk ka zgjedhur as ta mohojë dhe as ta pohojë këtë lajm, duke lënë të kuptohet se mes tyre ka nisur diçka.
“Unë vetë kurrë nuk kam fol për jetën time personale dhe as në Instagram nuk kam postuar asgjë. Kam vendosur për të mos folur derisa të marr një vendim”, u shpreh në atë kohë bukuroshja.
Ndërkohë, sot në ditën e të dashuruarve, ka qenë vetë Cindy që ka postuar një foto, ku çifti shfaqen së bashku. Ata janë shumë të qeshur dhe krah njëri-tjetrit, duke konfirmuar kështu dashurinë mes tyre.
