Dinamo City-Tirana e mbyllin me pesë gola takimin e javës së parë, me “bardheblutë” e kryeqytetit që triumfuan me përmbysje në “Elbasan Arena”.
Sfida ishte shumë e luftuar, ndërsa skuadra e Luigi Di Biagio zhbllokoi rezultatin në minutën e 24’, me Kacorrin që kaloi në avantazh ekipin e tij.
Megjithatë vetëm gjashtë minuta më pas “bardheblutë” e kryeqytetit barazuan me Hilën, duke bërë që pjesa e parë të mbyllej në “paqe”.
Fraksioni i dytë solli tre gola të tjerë, në minutën e 59’ “Nëndetësja blu” mori sërish avantazhin me Denisson që shënoi nga pika e bardhë e penalltisë.
Ekipi i trajnerit Orges Shehi reagoi mjaft mirë dhe në minutën e 74’ Latifi riktheu barazimin edhe ky duke shënuar me penallti.
Në fund gjithçka u vulos nga Hasani, që realizoi golin e përmbysjes dhe të fitores për Tiranën në minutën e 90+1’ nga pika e bardhë e penalltisë.
Në fund gjithçka u mbyll me rezultatin 2-3, me Dinamo City-n që javën e parë e mbyll pa pikë dhe renditet në vend të tetë, teksa Tirana pozicionohet në vend të dytë me tre pikë./ supersport
Top Channel
