Sulmuesi i Udineses, Gerard Deulofeu ka dhënë një intervistë të gjatë për Panenka ku ndër të tjera u ndal edhe te kombëtarja spanjolle. Ai u shpreh i qartë se dëshiron që të luftojë për një pozicion në ekipin e Luis Enrique për Botërorin “Qatar 2022”.
“Kombëtarja është aspirata më e lartë për një lojtar. Asnjëherë nuk jam kënaqur aq shumë sa kur shkova në kombëtare me Lopeteguin. Atmosfera ishte fantastike. Të ishe atje, të konkurroje kundër skuadrave të tjera, ishte çmenduri.
Mund të them se kam luajtur në një nivel shumë të lartë në katër ndeshjet që kam qenë atje. Kjo është ajo që më ka mbetur, por do të luftoj për më shumë hapësirë në të ardhmen.
A mendoj se mund ta bind Luis Enriquen për Botërorin e ardhshëm? E vetmja mënyrë e mundshme është të luaj shumë mirë me Udinese. Nuk ka asnjë mundësi tjetër. Unë vrapoj si një luan, duke kontribuar shumë për ekipin tim në frontin ofensiv. Gjithçka do të varet nëse do të vazhdoj në këtë linjë apo jo”. /oversport.tv
Foto: Udinese Calcio Twitter
