Një raport i FBI-së ka arritur në përfundimin se Alec Baldwin tërhoqi këmbëzën e armës që vrau kinematografen në setin e filmit “Rust”.
Baldwin qëlloi aksidentalisht Halyna Hutchins ndërsa ata po filmonin në tetor 2021 – por gjithmonë e pohoi se ai nuk e tërhoqi këmbëzën
Megjithatë, një hetim i sapo përfunduar i mjekësisë ligjore nga FBI thotë se arma në fjalë nuk mund të ishte shkrepur pa u tërhequr këmbëza.
Raporti, i parë nga Sky News, thotë se “nuk mund të qëllonte pa një tërheqje të këmbëzës”.
Këto janë shqyrtuar nga Zyra e Hetuesit Mjekësor të New Mexico dhe një raport i mëtejshëm pas vdekjes e ka klasifikuar vdekjen e zonjës Hutchins si një aksident.
“Vdekja u shkaktua nga një armë zjarri në gjoks”, thuhet në të.
“Rishikimi i raporteve të disponueshme të zbatimit të ligjit nuk tregoi asnjë demonstrim bindës se arma e zjarrit ishte e ngarkuar qëllimisht me municion të vërtetë”.
“Bazuar në të gjitha informacionet e disponueshme, duke përfshirë mungesën e qëllimit të dukshëm për të shkaktuar dëm ose vdekje, mënyra e vdekjes klasifikohet më së miri si aksident”.
Në një intervistë televizive për të shtënat në “Rust”, Baldwin tha se nuk ndihet fajtor për të shtënat fatale – duke thënë se ndërsa “dikush është përgjegjës për atë që ndodhi… e di që nuk jam unë”.
