Kur rreth orës 22:53 u dëgjua një zhurmë në shtëpinë e bardhë në rrugën “Kleiner Glinder Berg”, fqinjët menjëherë thirrën policinë. Sepse: Në familjen shqiptare ka pasur shpesh zënka edhe pse martesa dukej e harmonishme
Gjashtë vetura policie arrijnë në vendngjarje. Në shtëpi, oficerët bëjnë një zbulim të tmerrshëm: Gjejnë dy fëmijë të vdekur (13/11) – të ekzekutuar me të shtëna në kokë. Pak metra më tutje ndodhet Flamur R. (44), babai i djemve – i vetëvrarë. Arma e dyshuar e vrasjes shumë afër. Një mjek i urgjencës përpiqet ta ringjallë atë, por më kot.
Bashkëshortja dhe nëna Advije R. (38) është plagosur rëndë në spital – edhe ajo është qëlluar me armë zjarri. Komisioni i vrasjes K1 merr përsipër, heton më shumë se dymbëdhjetë orë, siguron me përpikëri gjurmët.
Kryeprokurori Christian Braunëarth: “Gjetjet aktuale tregojnë se çfarë ka ndodhur brenda familjes”, transmeton portali Shtegu. Sipas informatave të “Bild”, është duke u hetuar nëse babai ka qëlluar me armë dhe më pas ka gjykuar vetveten.
Sipas fqinjëve babai, një zejtar, mësohet se ishte gjaknxehtë. Ai mësohet se ka kërcënuar edhe në të kaluarën të afërm të cilët kanë denoncuar në polici. Prokurori i lartë publik Braunëarth: “Sqarimi i historisë së mëtejshme është objekt i hetimit në vazhdim”.
Një fqinj i habitur: «Djemtë ishin gjithmonë kaq të lumtur. I pashë një ditë më parë. Dhe në fund të Festës së Krishtlindjeve, ata qëllohen me armë zjarri”.
