Derbi nuk do të ketë vetëm për titullin kampion të Serie A, por edhe në merkato. Interi dhe Milani kanë të njëjtin objektiv për mesfushën. Bëhet fjalë për mesfushorin e Romës, Jordan Veretout.
Sipas Tuttosport, largimi i tij nga Roma konsiderohet i sigurt dhe të dyja ekipet nga Milano po luftojnë me njëra-tjetrën për të siguruar shërbimet e francezit. Megjithatë, Interi po planifikonë të afrojë Veretout vetëm në rast se dështon pista e Davide Frattesi.
Ky i fundit po kërkohet me ngulm edhe nga Juventusi, ndërkohë që Beppe Marotta është i vëmendshëm edhe ndaj Romës që mund ta rëmbejë mesfushorin duke i surprizuar të gjithë. Nga ana tjetër, me largimin e Kessie, Milani është më i favorizuar për të afruar Veretout pasi e kanë një prej objektivave kryesore të merkatos, ndryshe nga Interi që e ka plan B. /oversport.tv
Foto: AS Roma, Facebook
