Ndërsa një punë mund të mos shkaktojë depresion, mjedisi mund të përkeqësojë simptomat për njerëzit që tashmë jetojnë me depresion.
“Çdo vend pune ose punë mund të jetë një shkak i mundshëm ose një faktor kontribues për depresionin në varësi të nivelit të stresit dhe mbështetjes së disponueshme në vendin e punës,” tha Rashmi Parmar, një psikiatër në Psikiatrinë Komunitare.
Sipas Organizatës Botërore të Shëndetësisë (OBSH), një mjedis negativ i punës mund të çojë në:
- Shqetësimet e shëndetit mendor dhe fizik
- Mungesa të vazhdueshme në ambientin e punës
- Produktivitet të ulët
- Rritje të përdorimit të substancave
Cilat janë shenjat e depresionit në punë?
Shenjat e depresionit në punë janë të ngjashme me simptomat e përgjithshme të depresionit. Thënë kështu, disa mund të duken më specifike për një mjedis pune.
Disa nga shenjat më të zakonshme të depresionit të punës përfshijnë:
- Nivele të rritura të ankthit, veçanërisht kur menaxhoni situata stresuese ose mendoni për punën kur jeni larg punës;
- Ndjenjat e përgjithshme të mërzisë për punën tuaj;
- Energji e ulët dhe mungesë motivimi për të bërë gjëra, të cilat ndonjëherë mund të shfaqen si mërzi në detyra;
- Ndjenja të vazhdueshme ose të zgjatura trishtimi ose humor të ulët;
- Humbja e interesit për detyrat në punë, veçanërisht për detyrat që më parë ju dukeshin interesante dhe përmbushëse;
- Një rritje ose ulje në peshë ose oreks;
- Ankesa fizike si dhimbje koke, lodhje dhe shqetësime në stomak;
- Mungesa të shtuara ose ardhje me vonesë dhe largim herët;
- Aftësi e dobët vendimmarrëse;
- Probleme me gjumin ose gjumin e tepërt (si dremitja gjatë orëve të rregullta të punës)
Çfarë mund të bëni nëse ndiheni në depresion gjatë punës?
Pavarësisht se ku punoni, menaxhimi i simptomave në punë mund të jetë sfidues. Lajmi i mirë është se ka gjëra që mund të bëni kur ndiheni në depresion:
- Merrni një pushim 10-minutësh larg nga tavolina ose zyra juaj.
- Bëni një pushim dreke dhe dilni jashtë.
- Shkoni për një shëtitje të shpejtë gjatë një pushimi.
- Praktikoni disa minuta meditimi.
- Përfshini ushtrimet e frymëmarrjes së thellë në ditën tuaj.
- Thuaj “jo” një gjëje të vogël që ju lejon të përjetoni më pak stres gjatë ditës.
Përshtati në shqip: Egida Delibashi/ Burimi: HealthLine
