Anëtarja e Komisionit të Rithemelimit, Evi Kokalari ka folur për dorëheqjen e Lulzim Bashës dhe zhvillimet në PD. Kokalari e ka quajtur një vendim për të lënë selinë dhe se i gjithë grupi që po e ndjek shfaqjen e tij, vazhdon të shtojë stresin mes demokratëve, pasi këtë situatën e tanishme mund ta kishin zgjidhur që në dhjetor dhe po e zgjidhin në mars.
Kërkesa e largimit të Berishës në të njëjtën kohë me Bashën, Kokalari e ka quajtur të sforcuar nga ndërhyrjet e huaja pasi po e shikonin se nuk po e mbanin dot Bashën aty ku duhej.
Pjesë nga intervista:
Krasta: Ti nuk do konkurosh për kryetare e PD-së?
Kokalari: Jo
Krasta: Nuk je çuditur nga dorëheqja e Bashës?
Kokalari: Nuk jam e sigurtë se për çfarë po jep dorëheqjen pasi ne e shkarkuam në 11 dhjetor. Më vjen mirë që vendosi ta lërë selinë pasi kështu e shikoj unë, por i gjithë grupi i këtyre që kanë bërë shfaqje, kanë bërë shumë gabim sepse po i shtojnë më shumë stres, pasi mund ta kishim mbyllur në dhjetor, mund ta kishim mbyllur në janar dhe po e mbyllim në mars.
Krasta: Si e ke justifikuar në vetvete këtë kërkesën e vazhdueshme që të largohet Basha por të largohet edhe Berisha. Si e argumenton këtë?
Kokalari: Kërkesa e largimit të Berishës në të njëjtën kohë me Bashën ka qënë e sforcuar nga ndërhyrjet e huaja pasi po e shikonin se nuk po e mbanin dot Bashën aty ku duhej.
Krasta: Mendon se edhe dorëheqja e Bashës në një mënyrë është një element i lëvizjes së paramenduar nga dikush e ka organizuar këtë ngjarje?
Kokalari: Kam idenë se në një pikë mundohesh e mundohesh dhe lodhesh dhe të gjithë u lodhën dhe unë për mendimin tim, dje kur dha dorëheqjen Basha, nënqesha pasi mendova se Basha nuk ka asgjë të bëjë këtu, por këtu humbi dikush tjetër.
