PRAGË, 11 shkurt /ATSH-DPA/ – Senati çek hodhi poshtë zgjatjen e një ligji kyç për të luftuar pandeminë e koronavirusit edhe përtej muajit shkurtit.
Pas një debati rekord prej tetë orësh, 32 nga 62 anëtarët e Dhomës së Lartë të parlamentit votuan kundër projektligjit.
Ligji parashikonte mbylljen e aktiviteteve, ndalimin e aktiviteteve publike dhe kufizimin e aktiviteteve shkollore.
Edhe pse qeveria liberale-konservatore në Pragë tashmë i ka dhënë fund shumë masave, ajo dëshiron të mbajë të gjitha opsionet të hapura.
“Situata e koronavirusit midis të moshuarve dhe grupeve të rrezikuara mbetet kritike”, paralajmëroi ministri çek i Shëndetësisë, Vlastimil Válek.
Opozita foli për një shuplakë të qeverisë pas humbjes së koalicionit në Senat.
Sipas të dhënave zyrtare, në vend janë regjistruar dje 1 829 infeksione të reja për 100 000 banorë./ /os/
