BERLIN, 22 mars /ATSH-DPA/- Presidenti gjerman Frank-Walter Steinmeier është izoluar në shtëpi pasi ka rezultuar pozitiv me koronavirus, njoftoi sot një zëdhënës.
Bashkëshortja e Steinmeier, Elke Büdenbender, gjithashtu është infektuar me virusin. “Simptomat janë të lehta”, tha zëdhënësi.
Gjermania ka regjistruar nivele rekord të infektimit me koronavirus, ndërsa vendi po përgatitet të heqë gradualisht kufizimet e fundit në mbarë vendin.
Organi kombëtar i kontrollit të sëmundjeve të Gjermanisë, Instituti Robert Koch (RKI), raportoi sot një incidencë shtatëditore prej 1 733 4 për 100 000 banorë.
Gjatë 24 orëve u raportuan 264 vdekje, krahasuar me 283 të një jave më parë. //a.i/