Gjermania, Irlanda dhe artet marciale kineze ishin në qendër të vëmendjes teksa kinemaja britanike shpërndau çmimet e saj BAFTA të dielën, me më pak se një muaj nga fillimi i ceremonisë se Oscars.
Me 14 nominime, filmi i regjisorit gjerman Edward Berger “All Quiet on the western Front” është filmi i përbashkët më i nominuar në gjuhë të huaj në historinë 76-vjeçare të akademisë BAFTA.
Filmi është pretendent kryesor, duke përfshirë kategoritë për “filmin më të mirë jo në anglisht” dhe për kinematografinë, që janë tregues kyç për oscars në 12 mars.
Ndërkohë aktorja Yeoh u nominua për aktoren më të mirë këtë vit në rolin e një pronareje lavanderie, e cila shndërrohet në një heroinë të fortë, në filmin e egër “Everything Everywhere All At Once”.
Filmi fantastiko-shkencor i kung-fu-së i Yeoh mori 10 nominime për BAFTA, si dhe komedia irlandeze e zezë “The Banshees of Inisherin” me Colin Farrell dhe Brendan Gleeson.
Bashkëdrejtorët amerikanë të “Everything Everywhere All At Once”, Daniel Kwan dhe Daniel Scheinert, janë në garë së bashku për çmimin e regjisorit më të mirë, siç janë Berger dhe Martin McDonagh për “Banshees”.
“Elvis”, biografia e Baz Luhrmann për mbretin e rock and roll-it, është në nëntë nominime për BAFTA, me dramën psikologjike të muzikës klasike “Tar” në linjë për pesë çmime, përfshirë aktoren më të mirë për Cate Blanchett.
Top Channel
